標題:

吉隆坡旅遊

發問:

我會去馬來西亞旅行, 享吉隆坡留大約2-3日, 想問下:- 1. 如果主要想影相同睇d歷史建築物(唔使shopping), 有咩地方一定要去呢? 2. 有乜野餐廳一定要試? 最好係傳統既食物 3. 同埋吉隆坡交通方唔方便? 如果主要坐的士貴唔貴呢? 希望去過既朋友可以分享一下, 盡量唔好copy網上既資料! Many thanks!!!

免費註冊體驗

 

此文章來自奇摩知識+如有不便請留言告知

最佳解答:

(1)值得參觀的地方: 皇宮 必須朝早10點前去到,宮門前會有騎士及軍馬可合照。大概十點鐘到(正確時間我忘記了~)會有換班儀式睇。 國家博物館 視乎當時有咩特別主題展覽,如果無(或者你對該題目無咩興趣),就可以skip了呢個地方,因爲無咩睇~ 湖濱公園 有好多主題公園、文化博物館可以參觀(部分需收費),例如:世界最大鳥園、蝴蝶公園、胡姬花園、警察博物館、回教博物館及國家紀念碑等等。好值得一行~!位置係吉隆坡火車站隔離,步行5-10分鐘可到。另外,吉隆坡火車站都好靚,好多遊客會留影。 黑風洞 同以上三個景點完全反方向。上條長命梯去到山洞影相~主要為興都教文化旅遊勝地,山腳下有印度廟,山洞裏有印度神可拜。今年11月8日係印度人過年(Deepavali),個度會好熱鬧,好多人擊鼓跳舞、請x上身,萬箭穿身行下火炭叫下囂甘。如果對呢類文化有興趣不妨去睇下,難得一見。(不過如果要有心理準備,都幾嚇人~) 雙子塔 即使唔中意shopping都應該去下,話曬係吉隆坡既標誌。行去雙子塔正門,從下面望上去,包你驚嘆(尤其夜晚)!雙子塔後門係個小公園(對香港人黎講算好大了.....),有個音樂噴水池,好多情侶拍拖既地方,同時都係影相既好地方。夜晚帶相機去影相記得要帶埋腳架喇...... 吉隆坡塔 另一吉隆坡標誌,自從雙子塔建好之後名氣就下跌了~不過都可以去下。如果想上塔頂睇下吉隆坡風景,就要朝早去law籌,大概中午返去就可以了(雙子塔都一樣,不過上到中間個道橋姐~)。 星光大道 其實係shopping勝地,不過都有好多特色咖啡座、腳底按摸等等,係好有特色既一個地方。出名的為食街(亞羅街/Jalan Alor)就係個度。 (2)值得一試的餐廳 Steven Corner 印度回教徒食物。主要係可以用十分一既價錢去食重慶大廈入面d印度餐。一件薄餅最貴 兩個半港幣(當然,加料另計啦~)。必試食物:Roti Naan Garlic n Cheese(蒜米芝士烤餅)、Maggi Goreng tambah Mata Kerbal(太陽蛋炒公仔麵,好食到癲.....!!)、Nasi Lemak Ayam(炸雞椰漿飯)、Tosai Tissue(唔識解釋,總之就薄薄成頂帽甘棟係度既薄餅啦~好好味;))、Teh Tarik(特色印度拉茶)、Roti Kosong(就係最平就簡單傳統既甩餅,港幣兩個半個個)等等........ 地點係Pandan Indah(呢間最好食),搭的士直接同司機講Pandan Indah Steven Corner. 旭日肉骨茶 肉骨茶係馬來西亞馳名既華人美食。係將d豬肉同濃濃既藥材湯料一齊煲,配送白飯、油菜、油炸鬼一齊食的。之後,再搭上一杯熱熱既中國茶,有消濟既作用。必試!!! 地點係星光大道附近,時代廣場隔兩條街,搭的士去可以同司機講:Imbi Road,Bak Kut Teh。 Peel Road 係條食街黎。最出名牛肉麵、阿華燒雞翼等等,有埋沙爹(馬來烤肉串)等等。推介:牛雜麵+六味雪(十個good!!!)。地點:就同個司機講peel road。 Jalan Alor 之前講過係出名的為食街~集馬來西亞美食於一身,遊客至喜愛的地方。不過老實講,食物種類係多,不過唔係最好食的。只不過方便遊客可以一個地方食曬全馬美食only~ 地點:搭的士同司機講話Jalan Alor就ok了。 咖啡館 最近好流行的一個仿舊式茶餐廳。必試係:生熟蛋+加央牛油烤麵包+絲襪奶茶,正! 地點:好多地方都有.......睇你住邊區~ 其他美食例如海鮮、咖喱魚頭、福建炒等等,最好食的地點難介紹,分散各地。不過如果你剛好遇上有得食,不妨試下。奶油蝦、咸蛋蟹、醬蒸非洲魚等海鮮係必食品。 (3)吉隆坡交通尚算方便,因爲有輕快鐵(類似mtr)。只要你係圍繞住吉隆坡黎遊玩,基本上輕快鐵都可以到,係多轉車位姐~吉隆坡係超級塞車既地方,如果遇上返工放工時間,盡量搭輕快鐵,平時就可以多搭的士(因爲方便又唔貴)。不過要記得,馬來西亞的士同香港一樣係行表的,如果上車前司機自己開價就唔好理他~可以的話,盡量透過酒店幫你call的士,甘會安全d。 最後,祝你玩得開心啦! 2007-10-19 10:47:12 補充: 忘記了,如果你黎到既時候,大馬眼(Eye on Malaysia)未拆既話,都不妨去坐下呢個摩天輪。係馬來西亞政府為了迎接今年2007大馬旅遊年而設的,爲期一年。如果你黎到仲有得坐,都ok值得試下架~!

其他解答:

双峰塔,吉隆坡塔,云顶, 白天苏丹街,夜晚亚罗街, 食就好平,小心比人骗, 的士唔贵,有地铁,轻铁,单馗火车,有巴士, 如果有缘我请你食都得, 你是几人去,我已经在吉隆坡工作,可以找我,电话: +6013 3609333 Skype:ho_fook_leong MSN:ho_brothres@hotmail.com
arrow
arrow

    香港介紹ppt 發表在 痞客邦 留言(0) 人氣()